തോന്നിയത് തോന്നിയപടി

2012-നെ വരവേല്‍ക്കാന്‍ 338 സൈറ്റുകള്‍!

ബെന്നി ::benny — Fri, 30 Dec 2011 08:55:16 +0000

സുഹൃത്തുക്കളേ, ആദ്യം തന്നെ പുതുവര്‍ഷാശംസകള്‍!

ചെറിയ ഇടവേളയ്ക്ക് ശേഷം ഒന്നുകൂടി മലയാളം സൈറ്റുകളുടെ ലിസ്റ്റ് പുതുക്കുന്നു. വെബ്‌ദുനിയ മലയാളം എന്ന മലയാളം പോര്‍ട്ടലില്‍ ജോലി ചെയ്യുന്നതിനിടെ, നെറ്റില്‍ നിന്ന് കണ്ടുകിട്ടിയ സൈറ്റുകളാണിവ. നാള്‍ക്കുനാള്‍ മലയാളം സൈറ്റുകളുടെ എണ്ണം വര്‍ദ്ധിച്ചുവരുന്നത് കാണുമ്പോള്‍ അത്ഭുതവും അഭിമാനവും തോന്നുന്നു. ഈ ലിസ്റ്റില്‍ ഉള്‍‌പ്പെടുത്താത്ത സൈറ്റുകളും ഉണ്ടാകാം. ഉണ്ടെങ്കില്‍ അറിയിക്കുമല്ലോ..

സമയം കിട്ടുന്ന മുറക്ക് ഈ സൈറ്റുകള്‍ വിഭാഗങ്ങളായി തിരിക്കാന്‍ ശ്രമിക്കാം.. സൈറ്റുകള്‍ ഒരുപാടുണ്ടെങ്കിലും, സമ്പന്നമായ ഉള്ളടക്കത്തിന്റെ അഭാവം പല സൈറ്റുകളിലും കാണുന്നുണ്ട്. ‘അണ്ണാന്‍ കുഞ്ഞിനും തന്നാലായത്’ എന്ന രീതിയിലായാലും ഈ സൈറ്റുകളും നെറ്റിലെ മലയാള ഭാഷയെ സമ്പന്നമാക്കുന്നു. ഇതിലെ പല സൈറ്റുകള്‍ക്കും നല്ല പൊട്ടെന്‍ഷ്യല്‍ ഉള്ളതായി തോന്നുന്നു.

‘ഡെഡ് ലിങ്കു’കള്‍ ഉണ്ടെങ്കിലോ നിങ്ങള്‍ക്കറിയാവുന്ന സൈറ്റുകള്‍ ഇവിടെ ഉള്‍‌പ്പെടുത്തിയിട്ടില്ലെങ്കിലോ, webdunian@gmail.com എന്ന വിലാസത്തില്‍ അറിയിക്കുമല്ലോ…

വീണ്ടും കയറി; ഇപ്പോള്‍ 301 മലയാളം സൈറ്റുകള്‍

ബെന്നി ::benny — Mon, 02 May 2011 11:06:56 +0000

മലയാളത്തിലിപ്പോള്‍ 285 വെബ്സൈറ്റുകള്‍

ബെന്നി ::benny — Fri, 04 Feb 2011 11:35:47 +0000

നെറ്റില്‍ മലയാളത്തിന്റെ പ്രാതിനിധ്യം വീണ്ടും കൂടിയിരിക്കുന്നു. ഇത്തവണ കണക്കെടുക്കുമ്പോള്‍ 285 സൈറ്റുകളാണ് കിട്ടിയിരിക്കുന്നത്. ഇതൊക്കെയൊന്ന് വിഷയമനുസരിച്ച് തരം‌തിരിച്ച് ഇടണം എന്നുണ്ട് സമയം കിട്ടുമ്പോള്‍ ചെയ്യാം.

മലയാളത്തിലുള്ള 273 സൈറ്റുകളുടെ ലിങ്കുകള്‍

ബെന്നി ::benny — Thu, 21 Oct 2010 10:14:36 +0000

സുഹൃത്തുക്കളേ, ചെറിയ ഇടവേളയ്ക്ക് ശേഷം ഒന്നുകൂടി മലയാളം സൈറ്റുകളുടെ ലിസ്റ്റ് പുതുക്കുന്നു. വെബ്‌ദുനിയ മലയാളം എന്ന മലയാളം പോര്‍ട്ടലില്‍ ജോലി ചെയ്യുന്നതിനിടെ, നെറ്റില്‍ നിന്ന് കണ്ടുകിട്ടിയ സൈറ്റുകളാണിവ. നാള്‍ക്കുനാള്‍ മലയാളം സൈറ്റുകളുടെ എണ്ണം വര്‍ദ്ധിച്ചുവരുന്നത് കാണുമ്പോള്‍ അത്ഭുതവും അഭിമാനവും തോന്നുന്നു. ഒമ്പതോളം വാര്‍ത്താ സൈറ്റുകള്‍ യൂകെയില്‍ നിന്ന് മാത്രമുണ്ട്. തൃശൂര്‍ ജില്ലയിലെ ഇരിഞ്ഞാലക്കുടയും വലിയ മോശമില്ല. ഇരിഞ്ഞാലക്കുട പ്രസ് ക്ലബിന്റേതടക്കം നാല് സൈറ്റുകളാണ് ഓണ്‍‌ലൈനില്‍ എത്തിയിരിക്കുന്നത്.

മലയാളത്തിലും നല്ലൊരു കണ്ടന്റ് സിന്‍‌ഡിക്കേറ്റ് കമ്പനിക്കുള്ള സാധ്യത തെളിഞ്ഞുവരുന്നുണ്ടെന്ന് തോന്നുന്നു. സമ്പന്നമായ ഉള്ളടക്കത്തിന്റെ അഭാവം പല സൈറ്റുകളിലും കാണുന്നുണ്ട്. ‘അണ്ണാന്‍ കുഞ്ഞിനും തന്നാലായത്’ എന്ന രീതിയിലായാലും ഈ സൈറ്റുകളും നെറ്റിലെ മലയാള ഭാഷയെ സമ്പന്നമാക്കുന്നു. ഇതിലെ പല സൈറ്റുകള്‍ക്കും നല്ല പൊട്ടെന്‍ഷ്യല്‍ ഉള്ളതായി തോന്നുന്നു.

മലയാള്‍ ഡോട്ട് എ‌എം, ബ്രിട്ടീഷ് മലയാളി, യൂകെ വാര്‍ത്ത, കൂള്‍ കേരള, ഡൂള്‍ ന്യൂസ് എന്നീ സൈറ്റുകള്‍ നല്ല നിലവാരം പുലര്‍ത്തുന്നതായി തോന്നി.